Ubicación: segunda planta del Museo Villa ya Mercáu (Palacio de fontela. Calle Eduardo Sierra, 10. Grau/Grado). Contacto: 636 90 90 88 - turismo@ayto-grado.es

LA COLECCIÓN DE CURDIONES

Esta esposición fai parte de la coleición privada de Felipe Rubial Sánchez. Esta coleición contién unas douscientas piezas, de las qu’un númberu importante ya las más representativas espónense nestas vitrinas.

La coleición ta clasificada en cuatro grupos ou familias:

PRIMEIRU --   Curdión de dous tipos:

• DIATÓNICA OU BISONORA
• CROMÁTICAS

SEGUNDU --    BANDONEONES YA CONCERTINAS –

 TERCEIRU -- HARMÓNICAS YA CURDIONES DE BOCA 

CUARTU   --   HARMONIOS   YA HARMONETAS  

Toas ellas tienen un denominador común, el sou funcionamientu, basáu na vibración d’una llingüeta ou membrana metálica al pasu l’aire.

Esta coleición entamóu nel añu 2001 cola adquisición d’un bandoneón de la fábrica alemana Alfred Arnold (AA), fabricáu nos años trenta ya que se pue ver nestas vitrinas.

Na actualidá, hai curdiones con antigüedá dende 1840 hasta anguaño.

Los países ou llugares de procedencia son permunchos: EE. XX, Rusia, Alemaña, Francia, Italia, España, Chequia, Suiza, China, India, Vietnam, Xapón…

El términu “curdión de boca” refierse a instrumentos que nun tienen fuelle ya sóplanse. Un bon exemplu yá l’harmónica, la melódica ya outros munchos que se fabricanon a entamos del sieglu XX, pero nun tuvienon ésitu ente los músicos ya la sou producción foi probe.

El trabayu de conservación ya recuperación de los instrumentos llévalu a cau personalmente Felipe Rubial. Gracias a esi esfuerzu podemos contemplar dellas piezas nesta esposición.