Estas en:

Participación Infantil ya Xuvenil

L'Ayuntamientu de Grau, col fin de mostrar el sou interés en too lo que concierne a la infancia, elabora el I Plan Municipal d'Infancia (PMI) pa sentar las bases d'una política ya unas actuaciones concretas n'esta materia, d'una manera efectiva, ya baxo la premisa de considerar al neñu ya la neña como suxetos de plenu drechu nel marcu de lo establecíu na Convención sobre los Derechos del Niño.

La elaboración del I PMI conlleva la creación d'una serie d'estructuras de participación social que se convierten na plataforma que recueya ya reflexe las espectativas de las entidaes públicas ya/ou privadas implicadas colos menores de Grau, de los propios neños, neñas ya adolescentes que viven nel nuestru conceyu ya, en definitiva, de tola sociedá.

El 21 de xunu de 2016 el Plenu del Ayuntamientu de Grau aprueba la creación del Conseyu Municipal de la Infancia ya del Grupu Municipal de Participación Infantil del Ayuntamientu de Grau que se configura como un muérganu de participación ciudadana ya la sou creación inspírase na Convención de los Derechos de la Infancia ya surde col oxetivu de coordinar las actuaciones nesta materia pa garantizar esos derechos, ente los que s'incluye'l de la participación infantil de las neñas ya los neños en dichas actuaciones.

L'Ayuntamientu de Grau solicitó, en xunu de 2016, a UNICEF Comité Español, iniciar los trámites pa la obtención del Sellu de Reconocimientu Ciudá Amiga de la Infancia.
La Iniciativa Ciudades Amigas de la Infancia (CAI) yá un instrumentu, lideráu por UNICEF a nivel global, al serviciu de la promoción ya implantación de la Convención sobre los Derechos del Niño nos pueblos ya ciudaes.
UNICEF, por mediu del Sellu Ciudá Amiga de la Infancia, reconoz ya pon en valor el trabayu a favor de los neños realizáu nestos territorios, representaos polos sous Gobiernos Locales.