Estas en:

Biblioteca Dixital Moscona

La Conceyalía Cultura del Conceyu Grau, al traviés de la Biblioteca Municipal ¿Valentín Andrés Álvarez¿, punxo en funcionamientu la Biblioteca Dixital Moscona (BiDiMos).

 
La Biblioteca Dixital Moscona (BiDiMos) yá una colección de documentos dixitalizaos (en PDF) sobro'l conceyu Grau (Asturias) accesibles al traviés d'Internet. Tien como finalidá principal contribuyir a la conocencia ya difusión d'esti patrimoniu bibliográficu ya documental moscón, ya la difusión de la cultura de Grau en xeneral.
 
La BiDiMos ta formada por publicaciones ya outros documentos dixitalizaos sobro temas llocales, editaos en Grau ya/ou d'autores llocales.
 
Pa faer parte d'esta BiDiMos necesitamos l'autorización de los autores ou de los titulares de los drechos de las publicaciones ou documentos. Si yas un autor ya quies que las tous obras apaezan nesta Biblioteca Dixital Moscona, ponte en contactu con nosoutros al traviés de biblioteca@ayto-grado.es ou nel teléfonu 985754813.
 
 
Oxetivos de la BiDiMos:
 
¿Contribuyir a la conocencia ya difusión del patrimoniu bibliográficu ya documental moscón.
¿Satisfaer las necesidaes de información llocal.
¿Convertise nuna puerta d'accesu rápidu ya afayadizu pa estudiosos ya/ou interesaos n'información sobro Grau.
¿Dar puxu a las señas d'identidá de Grau, la sou historia, tradiciones, cultura, etc.
¿Valir de calce pa la recuperación ya conservación del patrimoniu bibliográficu de Grau.
 
La BiDiMos va tar formada por diferentes secciones:
 
Llibros: Colección de monografías de temas llocales ya d'autores ya/ou editores arreyaos a la comunidá moscona.
 
Revistas: Publicaciones periódicas del conceyu, d'asociaciones, centros docentes, programas de ferias ya fiestas del conceyu¿
 
Folletos: Dellas publicaciones del conceyu como guías, rutas, etc. Programas antiguos de fiestas¿
 
Imáxenes Históricas: Colección de fotografías ya imáxenes históricas de Grau de propiedá del conceyu ou cedidas pa la sou publicación na BiDiMos.
 
Biblioteca d'Inéditos: documentos ya obras inéditas d'interés sobro Grau, cedidas polos sous autores pa la sou difusión al traviés de la BiDiMos.
 
Enllaces  esternos: esbilla d'artículos ya publicaciones sobro Grau n'outros sitios web.
 
Regularmente van dir amestándose nuevos conteníos.