Servicios Sociales - ayto-grado
Servicios Sociales
Datos de Contautu
33820 Grau
Tel.: 985 75 20 98
Fax: 985 75 26 10
Corréu electrónicu: s.sociales@ayto-grado.es
Funciones
Prestación d'información, valoración ya asesoramientu
Ye la entrada fundamental de Servicios Sociales, onde fluyen las demandas personales, familiares ya de coleutivos ya por tanto onde se valoran las situaciones de necesidá ya los problemas sociales.
Ye al traviés d'esti proyeutu onde s'establez colos ciudadanos ya grupos canales abiertos de comunicación, col envís de que reciban una adecuada información ya asesoramientu sobre los sos derechos ya los recursos sociales a los que puedan acceder nel so marcu territorial ou extra territorial, al mesmu tiempu que reciben sofitu téunicu en cuanto a la solución de las situaciones que planteen.
Residencias pa personas mayores
Recursu alternativu, p'aquellas personas que nun pudiendo permanecer nel so domiciliu nun disponen de medios económicos, familiares ou sociales que faciliten la so continuidá nel mesmo en condiciones óptimas.
Puede solicitase durante tol añu nel Centru de Servicios Sociales, debiendo d'acompañar a la Solicitú el Carné d'Identidá, xustificación de los ingresos económicos, datos de las cuentas bancarias ya demás documentación que se-y indicará al interesáu nel momentu que reciba la información. La solicitú acompañada de la documentación va remitise a la Consejería de Vivienda y Bienestar Social (E.R.A.), quien va valorar en comisión dicha solicitud.
Agospiamientu
Preséu rellacionáu dafechu colas residencias pa personas mayores, xestionado a nivel municipal ya destináu a dar cobertura a la Tercera Edá de forma inmediata, a aquellas personas que lo requieran con extrema urxencia ya nun dispongan de medios económicos pa acudir a un recursu d'índole privada en tanto en cuanto-ys llega la so rempuesta de plaza a nivel públicu.
Los datos que se requieren pa la so axudicación obtiénense de la documentación que previamente facilitaron pa la so solicitú de plaza pública.
Ayuda a domiciliu
La Ayuda a domiciliu ye una prestación básica del Sistema Públicu de Servicios Sociales, de caráuter comunitariu efectuáu pol personal especializáu y supervisáu, cuyo obxetivu preventivu, educativu ya asistencial destínase a familias ya/ou personas solas con dificultades pa mantener ou restablecer el so bienestar físicu, social ya afectivu ya conseguir que puedan continuar viviendo nel so hogar ya/ou entornu mientras seya posible ya conveniente.
Puede solicitase durante tol añu nel Centru de Servicios Sociales, debiendo d'acompañar a la solicitú el Carné de Identidá, xustificación de los ingresos económicos, datos de las cuentas bancarias, informe mélicu ya demás documentación que va a indicasé-y al interesáu nel momentu que reciba la información.
Teleasistencia
Prestación de teleasistencia, col que se da cobertura d'atención a aquellas personas solas, que pola so situación personal, ten en situación de riesgu ya con ello se facilita la permanencia nel so mediu habitual ya colas meyores condiciones de bienestar.
Trátase d'un serviciu al traviés de la llínea telefónica na qu'el usuariu dispone nel so domiciliu d'una terminal "manos llibres" conectada directamente a un medallón que'l beneficiariu tien de llevar permanentemente colgáu al pescuezu ya que-y pon en contauto con una central de recepción de demandas perteneciente a Cruz Roja Española ya onde de forma inmediata dan cobertura a las situaciones urxentes que se presenten a lo llargu de las 24 horas del día. Per otru llau esti serviciu ya al traviés de profesionales realizan apoyos sicolóxicos a aquellos ancianos que pasen por mieu o angustia por su soledad.
L'Ayuntamientu tien firmáu un conveniu col IMSERSO ya la FEMP pal desarrollu d'esti programa.
Pa solicitar esti recursu van tener que presentase ente otros documentos el Carné de Identidá, xustificación de los ingresos económicos ya datos de las cuentas bancarias.
Prestaciones de sofitu al traviés de recursos complementarios pa la cobertura de necesidaes de subsistencia
Desde'l municipiu apóyanse situaciones en cualesquier sector de población que impliquen un riesgu pa los usuarios de nun ser solventadas con cierta inmediatez.
La modalidá d'ayuda económica fracciónase en dos conceutos:
- Ayudas d'Emerxencia propiamente dichas.
- Ayudas de Sofitu económicu.
Las primeras atienden una situación puntual ya las segundas una circunstancia que pue prolongase nel tiempu.
Documentación
- Certificáu d'empadronamientu ya convivencia.
- Acreditación documental de la necesidá que s'alega.
- Xustificación de los ingresos económicos de tola unidá de convivencia.
- Toos aquellos datos que s'estimen aclaratorios de la situación a criteriu de los Servicios Sociales.
Alimentos de la Cruz roja
Trátase de la campaña de distribución d'alimentos excedentes de la Unión Europea, al traviés de La Cruz Roja, de la qu'esti Ayuntamientu ye Entidá beneficiaria ya que reparte en dos fases. Una alrodiu de los meses d'Abril-Mayo, ya la segunda hacia Setiembre-Ochobre de cada añu ya dirixíu a aquellas personas o familias que s'encuentren en situación de "Emerxencia Social" o cuya renta disponible seya inferior al baremu establecíu, que pal añu 2004 fixábase en 322,35 euros pa una persona; 394,47 pa dos personas; 466,59 euros pa trés personas y 537,25 euros pa 4 ou mas personas.
Documentación
- Certificáu d'empadronamientu y convivencia.
- Acreditación documental de la necesidá que s'alega.
- Xustificación de los ingresos económicos de tola unidá de convivencia.
- Toos aquellos datos que s'estimen aclaratorios de la situación a criteriu de los Servicios Sociales.
Becas de llibros ya material escolar
Esti preséu destínase exclusivamente a aquellas familias que, teniendo neños menores de 6 años escolarizaos, nun puedan facer frente a los sos gastos de material ou indumentaria necesaria pa la correcta integración de los mismos nel aula.
Documentación
- Certificáu de convivencia, empadronamientu ya residencia.
- D.N.I. de los padres.
- Llibru de Familia
- Xustificante de los preseos económicos de tolos miembros de la unidá familiar.
- Xustificación de los gastos.
- Xustificante emitíu pol Centru Escolar onde conste'l material necesariu pa cada neñu.
- Presupuestu detalláu d'una llibrería.
Calificación de minusvalía
Plazu
Durante tol añu.
Documentación
Informes médicos ya carné d'identidá.
Tramítase ante'l Centru de Valoración de Personas con Discapacidades, de la Consejería de Vivienda y Bienestar Social, al traviés del Centro de Servicios Sociales, que van resolvelo comunicándolo directamente per escritu al interesáu.
Tarxeta d'aparcamientu de minusválidos
Plazu
Durante tol añu.
Documentación
Certificáu de minusvalía, emitíu pol Centru de Valoración de Personas con Discapacidades ya carné de identidá.
Tramítase énte'l Centro de Valoración de Personas con Discapacidades, de la Consejería de Vivienda y Bienestar Social, al traviés del Centro de Servicios Sociales, comunicándo-y l'Ayuntamientu la resolución según la valoración del E.V.O., del mencionáu organismu.
Ayudas Individuales (Minusvalía, Tercera Edá, Infancia, Emigrantes Retornaos, Acoyimientu de Mayores y de Menores)
Toos los años, al rodiu de los meses de marzu ya abril, la Consejería de Vivienda y Bienestar Social convoca subvenciones que tien como destinatarios a distintos sectores de la población ya cuyo oxetivu ye conceder prestaciones económicas a personas en situaciones de reconocida necesidá.
Los plazos pueden variar según el sector de población al que vayan destinaos, colo que los interesaos van tener qu'informase nel Centro de Servicios Sociales a partir del mes de febreiru, onde se-ys va proporcionar nel so momentu las convocatorias esistentes, los requisitos ya la documentación a presentar en cada caso.
Recursos pa los minusválidos
La so finalidá ye garantizar un mínimu de calidá de vida a las personas con discapacidá del municipiu, promoviendo ente ellas la igualdá nel accesu a los recursos ya medidas de política social ya atendiendo ya previniendo las sos necesidaes ya problemas sociales.
Las personas a quienes se dirixen estos recursos varían según las diversas actuaciones que se desarrollan ya los diferentes servicios que se xestionan. Como norma xeneral destínase a personas que tengan reconocida la condición de minusvalías nun grau igual o superior al 33%. El mou d'accesu varía según cual seya l'actuación, serviciu o prestación de que se trate. Algunos de estos servicios ya prestaciones son los siguientes: Serviciu d'Ayuda a Domiciliu, Estancias Diurnas, Centros Ocupacionales, Ayudas Individuales, Tarxeta d'Estacionamientu, Reconocimientos de Minusvalías. Amás d'actuaciones relacionadas con Residencias ya Apartamentos, Actividaes Culturales, Acoyimientu Familiar, etc.
I.M.I.
Programa destináu a la reinserción social ya llaboral d'aquellas personas que nun poseen recursos de nengún tipu, nin intelectuales, nin sociales, nin familiares, que-ys permitan desenvolvese dientro de los recursos consideraos como normalizaos.
Por tratase d'un programa nel que'l so modelu actual ta en fase d'extinción, pa dar pasu a una fórmula nueva que dé cobertura a esti mesmu sector de población con outras connotaciones de funcionamientu, nun vamos a extendenos n'aclarar cuándo ya cómo acceder, sí que se quier señalar que pal presente añu ya pa comienzos del 2005 aquellos ciudadanos que consideren cumplan col perfil señaláu acudan a mediaos del prósimu mes de setiembre de 2004 polas dependencias del Centru de Servicios Sociales ya va informáse-ys de lo vixente nesi momentu.
Ta previsto sustituir esti programa pol Salariu Social.
Vacaciones pa mayores
Van poder optar al Programa de Vacaciones tolas personas residentes n'España que reúnan cualesquiera de los siguientes requisitos:
- Tener como mínimu 65 años cumplíos.
- Pensionistas de xubilación del Sistema Públicu de Pensiones.
- Outros pensionistas del Sistema Públicu de Pensiones ya prexubilaos con 60 años cumplíos.
Si'l solicitante viaxa con su cónyuge, no ye precisu que esti reúna los requisitos de edá ya pensión.
Va almitise como acompañante a un fíu o una fía con discapacidá, que tenga un grau de minusvalía igual o superior al 45%, siempre que el viaxe lu realice colos pas ya ocupe cama supletoria na mesma habitación del hotel.
Las personas interesadas en participar van tener que formalizar la correspondiente solicitú, pudiendo dirixise al Centro de Servicios Sociales onde se-ys va facilitar l'impresu.
Los plazos pa solicitar suelen ser nos meses de marzu ou abril con una duración aproximada de 20 a 30 días, pudiendo variar, colo que hai que tar pendiente de pidir nel Centro de Servicios Sociales la información pa tar al tanto de l'apertura de los plazos.
Documentación
Sólo se necesita'l carné d'identidá.