Las colonias urbanas caracterízanse por ufiertar una serie de actividaes propias d'una Colonia ou Campamentu, pero cola particularidá de desarrollase durante un horariu determináu, normalmente de mañana.

La esperiencia d'estos años permítenos conocer una serie de ventayas qu'aporta la colonia urbana, tales como:

• Ser una experiencia mui positiva pa participantes primerizos que s'acerquen a esti tipu d'actividaes nel tiempu llibre.
• Permite que los participantes mantengan relación diaria con los sous familiares, ensin perder la parte positiva de socialización ya convivencia qu'aportan los campamentos ou colonias tradicionales.
• Descubren alternativas pal tiempu llibre ya conocimientu del mediu, en sitios prósimos al sou llugar de orixe ou residencia.
• Yá un serviciu pervaloráu polos padres ya madres trabayadores, porque ayúda-ys a conciliar la vida familiar ya llaboral.

Pre-moscando

La Colonia PRE-Moscando destínase a neños de 3 a 5 años, col formatu de colonia urbana, ya ufierta actividaes adaptadas a los más pequeños durante'l periodu estival. Cumple un doble oxetivu que yá la conciliación de las familias ente la sou vida familiar ya llaboral ya a la vez los neños diviértense, conviven ya aprenden dientru del ámbitu de la educación non-formal.

Fiestas Infantiles

En tola programación festiva hai actividaes programadas específicamente pa neños: Antroxu, las dos fiestas de La Flor, Santiago ya Santana, Fiesta del Traxe, Fin d'añu.