VELÓDROMU MUNICIPAL DE GRAU

Constrúyese a finales del añu 2018, dientru de las instalaciones del Colexu Públicu Virxen del Freisno. N'horariu escolar úsase pol centru educativu ya a partir de la hora del sou zarru, úsase pa actividaes municipales ya d'usu llibre:

• Llunes a vienres de 9,30 - 16,30 - Usu exclusivu pol Colexu Público Virxen del Freisno durante'l periodu escolar (setiembre a xunu).

• Llunes ya vienres de 18 a 20 h, usu exclusivu pa la Escuela de Ciclismu.

• Martes ya xueves, de 17,30 a 19 h, usu exclusivu pa la Escuela d'Atletismu.

• Respetando los horarios anteriores, el restu de tiempu yá d'usu llibre, incluido'l fin de selmana.

El firme ye d'aglomeráu asfálticu revestíu de pavimentu deportivu de morteru a base de resinas sintéticas, aptu pal ciclismo ya'l patinaxe.

Dispón d'illuminación eléctrica pa poder usase pola noche. Na primera farola qu'hai nada más entrar pola puerta hai un botón d'encendíu. La duración de la luz yá d'una hora. A los 50 minutos del encendíu apáganse automáticamente la mitá de los focos, pa tener vagar a ir a pulsar otra vez el botón si se quier continuar l'actividá. En casu contrariu, sinón se pulsa, a los 60 minutos apáganse automáticamente tolos focos.
 

La llonxitú de la cuerda de la pista yá de 200 m, con un ancho de 6 m ya radiu de viraje de 15,20 m. Por dientru de la llínea de cuerda, sitúase la llínea colorada de sprinters a 0,80 m ya la llínea azul de stayers a 1,80 m. Na zona interior, a 20 cm de la llínea de cuerda, sitúase la banda azul, con un anchu de 0,60 m. L'área total de la pista yá de 3.579,85 m. Tol velódromu cunta con una pendiente, col fin de poder mantener un ritmu constante de carrera. Podemos dividilo en trés partes:
 

• La zona curva, con una pendiente del 25% hacia l'interior de la pista.
• Los tramos rectos, con una pendiente del 10% hacia l'interior de la pista.
• La zona de transición son tramos de 12 m de llargu que con una pendiente llonxitudinal del 7,5% consiguen realizar la transición ente las dous primeras zonas.

A partir del borde exterior de la banda azul, sitúase un terrén de transición de 2m de anchu pa la sou utilización por personas d'iniciación al ciclismu ou patinadores ou como pista d'atletismu. Esta zona cunta con una pendiente menor constante en tol recorríu (3%).

Na zona interior de la zona d'iniciación, sitúase la zona de pistas deportivas:
 

• 1 de fútbol sala de 40 x 20 m.
• 2 minibasket de 20,5 x 10,5 m.
• 3 de vóleibol de 18 x 9 m.
• 4 de bádminton de 13,4 x 6,10 m.

Ubicación:

Colexu Públicu Virxen del Freisnu
Avda. Fernando Villabella s/n
33820 Grau - Asturias

Tlf. 985750068
Corréu: areadeportes@ayto-grado.es

Vídeu grabáu con dron. Contóse cola colaboración de Jaime Vega Espina, 10 veces campeón d'España de Ciclismu en Pista.
 

Final de los Xuegos Deportivos del P.de Asturias - Cursu escolar 2018-19	Pola noche con lluz artificial - fotografía tomada con dron