L'oxetivu del Centru de Día ye ameyorar l'autonomía ya la calidá de vida tanto de la persona mayor como de la so familia, porque ufierten una atención integral al conxuntu familiar nel so mediu habitual de vida.

Va dirixíu a personas mayores en situación de dependencia, ye dicir, aquellas que precisan ayuda ya cuidaos pa llevar a cabo actividaes de la vida diaria.

En Grau existe un Centru de Día ya las personas interesadas pueden solicitalo nel Centro Municipal de Servicios Sociales onde se-ys va indicar la documentación que van tener qu'aportar.

¿Quién puede solicitar plaza?

Tolas personas que cumplan los siguientes requisitos:

• Tener cumplidos los 50 años.
• Presentar una situación de dependencia derivada d'una discapacidá física ou psíquica.
• Disponer d'un sofitu social suficiente (familia o allegaos) que garantice una adecuada permanencia nel entornu, ensin ser excluyente el fechu de vivir sólo/a.

¿Qué servicios ufierta?

• Transporte.
• Manutención.
• Asistencia nas actividades de la vida diaria, incluyendo'l bañu cuando seya precisu.
• Atención social.
• Atención psicolóxica.
• Terapia ocupacional.
• Cuidaos de salú.
• Cafetería.

¿Qué beneficios ufierta a la persona mayor que necesita cuidaos?

• Recuperar ya mantener el mayor grau d'independencia posible.
• Prevenir ou retrasar l'incrementu de la dependencia potenciando todas las sos capacidaes.
• Desarrollar l'autoestima ya favorecer un bon estáu psicoafectivu.
• Evitar o retrasar ingresos en residencia non deseaos ou desaconseyables.

¿Qué ventayas ufierta'l centru de día a las familias?

• Proporcióna-ys tiempu llibre ya descansu.
• Ufiérta-ys orientación, formación ya sofitu psicolóxicu.
• Previénese posibles conflictos familiares.
• Las personas cuidadoras pueden compatibilizar empléu ya cuidaos ensin sobrecarga excesiva.