Dende esta escuela queremos defender un llabor tanto asistencial como educativu. Por ello pretendemos:

• Promover el desarrollu armónicu ya integral de los neños nos aspectos físicos, afectivos ya intelectuales, atendiendo a las sous necesidades, potenciando ya valorando las sous capacidaes, respetando los sous intereses ya posibilitando, a la vez, las diferentes formas d'espresión.
• Propiciar ya facilitar l'establecimientu de relaciones sociales ya afectivas en tola Comunidá Educativa: ente los neños, ente los neños ya adultos, ente los profesionales ya las familias, transmitiendo, con la nuestra actitud, la importancia del respetu ya la consideración hacia los demás, valorando la bayura que nos aporta la diversidá (de sexu, de condiciones físicas, d'estilos de vida, de ritmos d'aprendizaxe, d'orixe, d'ideoloxía, de situaciones económicas, etc).
• Favorecer la inquietú ya curiosidá de los neños pol sou propiu entornu físicu, social ya cultural; facilitando los recursos pa conocelu, comprendelu ya respetalu.
• Potenciar una actitú crítica ya constructiva respeuto a la realidá que, a la vez, permita-ys adquirir una visión positiva de la vida.
• Considerar la enseñanza-aprendizaxe como un procesu activu de construcción ya investigación, onde los neños ya neñas son los protagonistas del sou procesu d'aprendizaxe pa lo que, fomentaremos la curiosidá, la investigación, la iniciativa ya la reflexón.
• Favorecer la participación como forma d'organización ya funcionamientu que se manifiesta en tolos momentos ya ámbitos de la vida escolar, propiciando espacios ya canales d'información ya comunicación variaos, de forma que tola Comunidá Educativa alcuentre los cauces adecuaos pa poder manifestar las sous inquietudes ya formar parte d'un proyeuto común.
• Desarrollar ya fomentar actitudes positivas no referente a la salú individual ya colectiva, al consumo ya a la conservación del mediu ambiente ya de la naturaleza.
• Desarrollar la nuestra función docente como facilitadora de recursos, dinamizadora de procesos, que con una actitud abierta ya flexible ya en formación permanente, trabaya n'equipu pa conxugar la tarea de toos ya ufiertar a los neños ya neñas confianza ya unidá nel proyeutu educativu.