Escuela de 0 a 3 años - ayto-grado
Escuela de 0 a 3 años
Quién somos
Las escuelas d'educación infantil tán instituyéndose nos últimos años como un serviciu esencial pa poder compaxinar la vida llaboral ya familiar. L'atención que se-ys presta a los neños ta rexida non solo por criterios hixénicos sinón tamién por factores psicolóxicos ou de desarrollu en xeneral.
La nuesa escuela naz d'un conveniu de colaboración ente la Conseyería d'Educación del Gobiernu del Principáu d'Asturias ya l'Ilustrísimu conceyu de Grau pal desarrollu del Plan d'Ordenación de las Escuelas Públicas de Primer Ciclu d'Educación Infantil. Llevamos en funcionamientu dende'l cursu 2006/07.
La escuela ta pensada p'atender al desarrollu afectivu, al movimientu ya los vezos de control corporal, a las manifestaciones de comunicación ya del llinguaxe, a las pautas elementales de convivencia ya relación social, así como al descubrimientu de las características físicas ya sociales del mediu, facilitando que los neños elaboren una imaxe positiva de sí mesmos ya adquieran autonomía personal.
Pa ello la nuesa actividá educativa susténtase en:
- La individualidá de cada neñu
- Nel aprendizaxe lúdicu ya significativu
- Nunas instalaciones adecuadas
- Nun equipu de profesionales comprometíos
- En programas que desarrollan habilidades comunicativas en diferentes llinguaxes ya formas d'espresión, iniciándolos nas habilidades lóxico-matemáticas, na llecto-escritura ya nel movimientu, el xestu ya'l ritmu.
CONTACTAR
Por e-mail: eeigrado@educastur.org
Por teléfonu ou fax: 985.75.06.82
Por carta:
E.E.I. de 0 a 3 años de Grau
Avenida Fernando Villabella s/n 33820 Grau- Asturias