Ye una actividá qu'organiza la Conceyalía d'Infancia ya Mocedá de Grau ya foi propuesta pola mocedá del grupu municipal de participación PARTYGRAO.

Col bon tiempu, las ganas d'actividá al aire llibre llévanos a entornos cercanos ya a veces desconocíos. Acompañaos por dos mozos monitores mui conocíos na villa moscona, plantéanse dos rutas como esperiencia piloto.

Entamamos con  "La mítica del Instagram" por cercanía, belleza ya porque sabemos que tenéis que renovar la semeya del Insta ya facer daqué divertíu colos compañeros-as de forma segura. Vais ser vosotros-as los que seleccionéis las siguientes rutas ente un ampliu menú ya alguna sorpresa.

El día programáu ye'l sábadu 29 de Mayu, a las 10 h. Salimos dende'l  Centru d'Infancia ya Mocedá La Panera. Tiempu aproximáu de duración son 3 horas. L'actividá ye gratuita ya ufiértanse 15 plazas.

Llevar roupa ya calzáu apropiáu, na mochila agua ya un tentempié ya na cabeza amás de la gorra munchas ganas de llegar un pouco más lloñe.

Podéis pidir información ya inscribiros en Oficina Joven en Centro de Infancia y Mocedá la Panera. Teléfonu 985753201, whats 637702826.

Unviar Inscripción a oij@ayto-grado.es

Descargar hoja de inscripción (PDF)