Inserción llaboral de la mocedá

Col envís de collaborar na inserción llaboral de los mozos ya mozas del conceyu, dende la estaya de Mocedá fáense las acciones qu'apaecen darréu:

• Cursos de Monitor/a d'actividaes de tiempu llibre.
• Cursos de Directores/as d'actividaes de tiempu llibre.
• Prácticas d'alumnos n'actividaes organizadas pola estaya de Mocedá.

GARANTÍA XUVENIL

La oficina de Mocedá de Grau yá un muérganu xestor del programa de GARANTIA XUVENIL
La Garantía Xuvenil yá una iniciativa europea que pretende facilitar l'accesu de los mozos ya mozas al mercáu del trabayu. N'España encadármase na estratexa d'Emprendimientu Mozu.
 La Garantía Xuvenil afita que los mozos ya mozas puedan recibir una ufierta d'emplegu, d'educación ou formación tres finar los sous estudios ou quedar desemplegaos.
¿Quién puen ser beneficiarios?
Los mozos ya mozas que cumplan los requisitos qu'apaecen darréu:

• Tener nacionalidá española ou ser ciudadanos de la Xunión ou de los Estaos que faen parte del Acuerdu Económicu Européu ou Suiza que s'alcuentren n'España n'exerciciu de la llibre circulación ya residencia. Tamién van poder inscribise los estranxeros titulares d'una autorización pa residir en territoriu español qu'habilite pa trabayar.
• Tar empadronáu en cualquier llocalidá del territoriu nacional español.
• Tener más de 16 años ya menos de 25, ou menos de 30 años, nel casu de personas con un grau de discapacidá igual ou superior al 33 por cientu, nel momentu de solicitar la inscripción nel Sistema Nacional de Garantía Xuvenil. Amás, los mayores de 25 años ya menores de 30 cuando, nel momentu de solicitar la inscripción nel ficheiru del Sistema Nacional de Garantía Xuvenil, la tasa de desemplegu d'esti colectivu seya igual ou superior al 20 por cientu, según la Encuesta de Población Activa correspondiente al últimu trimestre del añu.
• Nun tener trabayao nel día natural anterior a la data de presentación de la solicitú.
• Nun tener recibío acciones educativas nel día natural anterior a la data de presentación de la solicitú.
• Nun tener recibío acciones formativas nel día natural anterior a la data de presentación de la solicitú.
• Presentar una declaración espresa de tener interés en participar nel Sistema Nacional de Garantía Xuvenil, garrando un compromisu de participación activa nas actuaciones que se desendolquen nel marcu de la Garantía Xuvenil.

Fonte: Ministeriu d'Emplegu. Sistema de Garantía Xuvenil.