Certificáu d'empadronamientu colectivu como requisitu indispensable pal pidimientu de la moratoria nel pagu de la hipoteca de la vivienda habitual prevista nel Real Decretu-llei 8/2020, del 17 marzu, de mididas urxentes estraordinarias pa faer frente al impactu económicu ya social del COVID-19.

L'artículu 11.1 c) del RD-Llei 8/2020 esixe, ente outros documentos, pal pidimientu de la moratoria nel pagu del empréstamu con garantía hipotecaria p'adquisición de la vivienda habitual, lo qu'apaez darréu:

"ii. Certificáu d'empadronamientu tocantes a las personas empadronadas na vivienda, en rellación al momentu de la presentación de los documentos acreitativos ya a los seis meses anteriores."

La moratoria sobr deldas hipotecarias pa l'adquisición de vivienda habitual ufiértase a los que carezan estraordinarias dificultaes pal sou pagu.

Procedimientu pal pidimientu:

Pol pieslle de los rexistros presenciales, ya a los efectos del mentáu Real Decretu Llei, van poder pidise ya recibise estos certificaos de mou telemáticu, torgándose asina la circulación de las personas polas vías d'usu públicu.

Pa ello rellene'l formulariu qu'apaez nesti enllaz ya empobínelu cola documentación axunta al Conceyu por una d'estas vías:

a) Por corréu lletrónicu a la dirección: secretaria@ayto-grado.es , siguiendo estas indicaciones:

Rellene tolos datos del formulariu colas personas que residen nel sou domiciliu. Yá fundamental rellenar tolos campos pa una correcta tramitación, ya yá tamién imprescindible señalar un númberu de teléfonu móvil ya un corréu lletrónicu.     
Unvie escaniao:           

El pidimientu cumplimentáu dafechu ya robláu
            Los DNIs de las personas empadronadas nel domiciliu

Ponga'l númberu del DNI del solicitante nel asuntu del corréu llectrónicu.

El Conceyu va poder realizar una videollamada al solicitante pa comprobar la sou identidá, ya esti va tener d'amosar l'anversu ya'l reversu del documentu emplegáu pa la sou identificación, ou va poder solicitar cualaquier comprobación sobro los datos del solicitante que tean en poder de l'Alministración.

b) El formulariu ya la documentación axunta tamién van poder presentarse por medios lletrónicos al traviés del Rexistru Telemáticu del Conceyu www.ayto-grado.es

Importante: El certificáu nun se va espedir cuando'l solicitante ta empadronáu nel domiciliu pal que se pide la moratoria va menos de 6 meses.

Descargar Formulariu pa rellenar en formatu PDF