Como Alcalde ya en representación de tolos vecinos del conceyu, yá pa mi un honor exercer güei d'anfitrión ya da-ys la bienllegada a esta nueva web institucional del Conceyu de Grau.

Esti espaciu virtual remocicóuse cola pretensión d'ofrecer a los ciudadanos un accesu más cómodu a la información ya a los servicios del conceyu. Pero nagua tamién por ser una puerta d'accesu ya difusión del nuesu conceyu en xeneral; de los nuesos recursos naturales, artísticos ya d'ociu; de los nuesos tradicionales mercaos selmanales de miércoles ya domingos, las nuesas ferias ya mercaos temáticos, los nuesos famosos productos gastronómicos ya de la güerta; ya tamién un reflexu de la intensa actividá cultural, deportiva, comercial ya social de Grau.

El nuesu conceyu, cola infraestructura de la nueva autovía, gocia d'una posición privilexada a poucos minutos de la capital del Principáu d'Asturias ya del centru la rexón. Esti nuevu web pretende ser l'autovía virtual qu'acerque ya dea a conocer Grau na rede.

Munchas gracias ya bienveníos.