BANDU

L'ALCALDE PRESIDENTE DEL ILUSTRÍSIMU CONCEYU GRAU

Énte la pandemia declarada de Coronavirus ya siguiendo las recomendaciones de los organismos competentes na materia, ente los días 13 ya 27 de marzu, dambos incluyíos, adóptanse las midías de contención qu'apaecen darréu:

• Pieslle al públicu de tolas instalaciones municipales.

• L'atención a la ciudadanía va llevase a cau per telefónu ou online de 09:00 a 14: 00 h.

• Suspéndense tolas actividaes de ferias ya mercaos.

• Pieslle d'espacios públicos municipales que puedan dar llugar a concentración de personas, como parques infantiles, pistas descubiertas, frontón ya outros sitios públicos nos que puedan producise aglomeraciones.

• El Conceyu nun tien competencias pa restrinxir la concentración de personas nas actividaes privadas. Habría ser la Comunidá Autónoma la qu'asumiera esas competencias.

• Dende esta alministración namái podemos llamar al sentíu común ya a la responsabilidá de toos ya toas, n'especial tocántenes a los grupos de riesgu ente los que tán los nuesos vieyos ya vieyas.

En Grau a 13 de marzu de 2020

Robláu: Jose Luis Trabanco Gonzalez

Alcalde

Descargar Bandu en formatu PDF