Comunícase a tolos interesaos que la Piscina de Branu va abrir el miércoles 1 de xunetu. 

Va tener un aforu del 75%, lo que supón que van poder entrar 78 personas na piscina grande ya 37 na piscina pequeña (menores de 6 años). Esto fai un total de 115 personas/día. Nel solarium van habilitase fasteras de 12 metros cuadraos con una separtación ente ellas de 1,5 m, pa guardar la distancia de seguranza. La reserva va faese con cita previa online, al traviés de la plataforma Sporttia, ya'l pagu va faese namái con tarxeta de creitu. Tamién va poder faese la reserva llamando al teléfonu de la piscina: 985753599. Las instrucciones más detalladas de cómo se va faer la reserva online ya'l correspodiente pagu, van indicase nos próximos días.

Infórmase tamién que'l Velódromu, el Frontón ya la Pista Multideporte allugada nel Palmeral, van abrir el 1 de xunetu. Nesas instalaciones va allugase un Protocolu cola normativa d'usu pal Nuevu Estáu de Normalidá.

Por outru llau, tamién a partir del 1 de xunetu, van modificase los Protocolos d'Usu de las instalaciones deportivas que yá tán n'usu: Piscina climatizada ya ximnasiu, Polideportivu, Pistas de Tenis ya Padel, Piragüera ya Bolera de batiente.