Ubicación: Calle Cerro de la Muralla, s/n, Grau/Grado

Casa Miranda
Palaciu Valdecarzana

Ta declaráu como Conxuntu Monumental dende 1981, al empar que la capiella palaciega de Nuestra Señora de Los Dolores. Mandóla llevantar la familia Miranda, a la que se-y concedió 'I titulu de Marqueses de Valdecarzana en 1642.

Acordies coles escavaciones arqueolóxiques feches mentanto la so rehabilitación, la so construcción ye del sieglu XV; d’estes dómines yera una pequeña torre baxomedieval, magar qu’anguaño namás se caltién una ventana con arcu apuntáu d’estilu góticu. Nos sieglos XVII y XVIII iguóse perdafechu n'estilu barrocu. Ésti ye l'edificiu que güei podemos almirar, anque daqué camudáu por delles modificaciones y amestadures posteriores.
Ye un palaciu urbanu de plan

ta rectangular, qu’arrodia un patiu central, con cuatro torres nes esquines. La fachada principal mira pal Este, p’ hacia la muralla qu’arredolaba la villa dende la época medieval y de la qu’entovía se consenven dellos cachos del so trazáu orixinal. Enriba la puerta principal atópase l'escudu de la familia Miranda, que representa a cinco rapaces desnudes hasta la cintura, aguantando caúna na mano una cáscara de pelegrín y alredor del escudu, como si fuera una orla, dos culiebres de dos cabeces.

Nel so interior, dende l’estragal, sal una escalera monumental de piedra que xube a les dependencies señoriales. El patiu central, empedráu, cuenta con ocho columnes y amás, metada d'él, hai una fonte per grande que funciona con un sistema bien orixinal de recoyida del agua de lluvia per una riostra de canalones que lo vierten nella.