Ubicación: calle La Magdalena, Grau/Grado

Ilesia Parroquial de San Pedru (asturiano)

Ye una edificación d’estilu eclécticu con elementos Inspiraos nel estilu románicu y góticu. Anició la so construcción en 1884, abriéndose al cultu en 1890. Ye señalada pola so monumentalidá y polos materiales percalidables emplegaos, penriba too la piedra tallao. Tien tres naves, transeptu y triple cabecera recta. L'imafronte, que tien doble torre campanariu pelos llaos con capiteles d'escames de cinc, presenta en sentíu ascendente un arcu d’entrada de mediu puntu, emblema del so patrón con inscripción y ventanina circular superior.
Na parte dientro atápase con bóvedes d'arista, a nun ser el cruceru onde apaez un cimborriu octogonal atapáu con una falsa cúpula d'ocho gaxos. Los vanos zárrense con un conxuntu de vidrieres emplomaes, que se trocaron n'acabando la Guerra Civil.
Conserva ente'l troxe moblliariu una riestra retablos coles sos escultures. El más grande, fechu pola Casa del Rio d’Uviéu, regalólu D.Manuel Longoria y Cuervo; los llaterales diéronlos D.Carlos González y D.Manuel Longoria anque namás se conserva ún d’ellos; y el de la Purísima Concepción, del que fizo donación D.Martín González del Valle, primer Marqués de la Vega d'Anzu,n'alcordanza de la so primer muyer Dña Julita.
A la ílesia metiéron-y fueu na Guerra Civil, orixinando bien d'estropicios del so interior, amás de valtiar una de les sos torres, la izquierda, que se reconstruyó en finando la Guerra.