Subvenciones del Ayuntamiento para actividades culturales de asociaciones locales

Ayer, día 13 ochobre de 2020, publicóse nel BOPA l'extractu de las bases de las subvenciones de la Casa Conceyu de Grau pa la realización d'actividaes culturales d'asociaciones, fundaciones y entidaes culturales locales ensin ánimu d'arriquecimientu. El plazu ye de 20 días hábiles  dende la publicación de la convocatoria de las subvenciones nel Boletín Oficial del Principado de Asturias.

 

Enllace al BOPA (estractu de las bases): https://sede.asturias.es/bopa/2020/10/13/2020-08138.pdf

 

Enllace a las bases completas nel Sistema Nacional de Publicidad de Subvenciones: https://www.infosubvenciones.es/bdnstrans/GE/es/convocatoria/526828

null CONCURSU DE GAITEIROS/AS

CONCURSU DE GAITEIROS/AS

El Conceyu Grau, al traviés de la Estaya de Cultura, convoca’l I CONCURSU DE GAITEIROS/AS DE GAITA ASTURIANA “MEMORIAL DIÓGENES GARCÍA GONZÁLEZ” que va tener llugar na Capiella los Dolores el día 13 payares a las 16 h.

El concursu va desendolcase d’alcuerdu colas bases qu’apaecen darréu: 
  
1.    Van poder participar tolas personas qu’asina lo deseyen en dalguna de las 2 categorías que     s’afitan:  
    Categoría Infantil. - Hasta los 15 años (inclusive)  
    Categoría Adultu/-a.- A partir de los 16 años (inclusive)
  
2.    Afítase un llímite máximu de 10 participantes por categoría (en perpasando esta cifra na fase d’inscripción, va quedar abierta una llista d’espera pa cubrir posibles baxas). 

3.    El plazu d’inscripción acaba’l 31 d’ochobre de 2022 a las 00h. La inscripción va formalizase al traviés d’estas vías;    
    Personalmente na Biblioteca Pública de Grau.
    Na siguiente dirección de corréu electrónicu: cultura@ayto-grado.es

    Habrán aportase los datos qu’apaecen darréu: 
    Nome, apellíos, fecha de nacencia, DNI, dirección postal, teléfonu ya dirección de corréu electrónicu. 

4.    Al otru día d’acabar el plazu d’inscripción, tolos inscritos van recibir un corréu electrónicu confirmando la sou aceptación ou non a participar nel concursu. 

5.    Los/las participantes habrán emplegar la gaita tradicional asturiana en cualesquiera de las sous tonalidaes. 

6.    L’orde de participación va otorgase por sortéu, ya va comunicase por corréu electrónicu dellos días enantes de la celebración del concursu a tolos/as participantes. En primer llugar, van participar tolos/as concursantes de la categoría infantil. 

7.    Cada concursante habrá presentase nel recintu del concursu 1 hora enantes de la sou participación.  Pa ello van afitase unos horarios aproximaos d’actuación. Estos horarios van comunicase por escritu al corréu electrónicu de cada participante.

8.    Cada participante habrá interpretar 2 piezas d’escoyeta llibre del repertoriu tradicional asturianu, de composición propia ou d’autor, ya pa ello va cuntar con un tiempu máximu de 8 minutos. Nel casu de que supere’l llímite de tiempu afitáu, el xuráu pue considerar una penalización de puntos na suma total consiguida.  

9.    Nel casu que’l ou la participante decida interpretar un tema de composición propia ou ayena, tien d’enviar al corréu electrónicu de la inscripción, una copia en pdf de la partitura que se va interpretar, a lo menos, con una selmana d’antelación al día de la celebración del concursu. 

10.    Va constituyise un xuráu cualificáu, que la sou composición va asoleyase al entamar el concursu. 

11.    El fallu del xuráu va dase a conocer pouco dempués d’acabar el concursu, n’aconceyando los miembros ya en comunicando la sou decisión a la organización del concursu.  

12.    Al fallu del xuráu nun se va poder retrucar.

13.    Afítanse los premios qu’apaecen darréu:    
    Categoría Infantil 
    1er Premiu: 100 €, troféu ya diploma.  
    2º Premiu:  70 €, troféu ya diploma.  
    3er Premiu: 40 €, troféu ya diploma.  
    Categoría Adultos/-as 
    1er Premiu:  200 €, troféu, diploma ya punteiru fabricáu por Diógenes García.  
    2º Premiu: 150 €, troféu ya diploma.  
    3er Premiu: 100 €, troféu ya diploma.  

14.    Los premios van entregase en públicu tres de la emisión del fallu del xuráu al acabar el concursu nel mesmu escenariu.  

15.    El pagu de los premios con dotación económica va faese por tresferencia bancaria a la cuenta qu’indiquen las personas premiadas, pa lo que van tener que presentar un certificáu bancariu de la titularidá de la cuenta (encamiéntase que, p’axilizar trámites, los que participen nel Certame tean en posesión del mentáu documentu pa entregallu a la organización na mesma xornada del concursu en casu de resultar premiaos).

16.    La participación nel Certame supón l’aceptación d’estas bases.

Documentos

Imágenes