Axencia de Desarrollu Local - ayto-grado

Estas en:

Axencia de Desarrollu Local

Agencia de Desarrollo Local L'Agencia de Desarrollu Local yá un instrumentu de creación de trabayu a partir del aprovechamientu racional de los recursos endóxenos y l'apoyu a las iniciativas locales de xeneración de riqueza. Tien como misión xenérica la promoción económica ya social de la redolada. Pa ello pon a disposición de los sous habitantes los medios materiales ya humanos necesarios pa que cualesquier idea ou iniciativa de la población local pueda ser puesta en práctica con mayor facilidá.

Datos de contactu

Palaciu de Miranda-Valdecarzana

Dirección: Parque Empresarial La Cardosa; Edificiu del Centru d'Inicitaiva Empresarial (CIE); El Molín d'Agostu S/N
Teléfonu:: 985 75 30 73
Corréu electrónicu:: adl@ayto-grado.es

Funciones

Asesorar a los promotores de proyectos d'empresas acerca de viabilidá ya plan d'empresa, forma xurídica más adecuada, trámites alministrativos ya vías de financiación.
Informar sobre los tipos d'ayuda existentes pa las empresas nos diferentes sectores económicos (agrariu, industrial ya servicios) ya, en particular, las de la Economía Social: Empléu Autónomu, Cooperativismu ya Sociedades Anónimas Llaborales.
Asesorar sobre los trámites pa la constitución d'asociaciones ya las sous vías de financiación. Facilitar las xestiones alministrativas.
Proporcionar información sobre subvenciones dirixidas a asociaciones profesionales, vecinales ou de muyeres.
Organizar cursos de formación específicamente adaptaos a las necesidades locales.
Collaborar na organización de ferias, certámenes, xornadas ya outras actividades llúdicas ya culturales promovidas pola población local.
Informar ya orientar sobre técnicas de busca d'empléu ya inserción llaboral.
Faer estudios globales ya sectoriales relativos a la economía ya l'empléu de la redolada.
Atender las suxerencias de las organizaciones ya de la población local.

PROGRAMA OPERATIVU D'EMPLÉU XUVENIL 2014-2020

El conceyu de Grau punxo en marcha un plan de prácticas non llaborales con compromisu de contratación de xente moza desempleada, al traviés de la realización d'un períodu de prácticas non llaborales siguíu d'un contratu llaboral na modalidá de prácticas, cuntando cola colaboración ya cofinanciación nel desarrollu del mesmu del SERVICIU PÚBLICU D'EMPÉU DEL PRINCIPÁU D'ASTURIAS, SERVICIU PÚBLICU D'EMPLÉU ESTATAL ya FONDU SOCIAL EUROPÉU ya cofinanciadas pola INICIATIVA D'EMPLÉU XUVENIL (100%) ya'l FONDU SOCIAL EUROPÉU pal periodu 2014-2020 (80%) nel marcu del PROGRAMA OPERATIVU D'EMPLÉU XUVENIL 2014-2020.

PLAN D'EMPLÉU NEL MARCU DE LOS ITINERARIOS D'ACTIVACIÓN PAL EMPLÉU NEL ÁMBITU LOCAL DEL CONCEYU DE GRAU (convocatoria 2017)

El Plan Local d'Empléu nel marcu de los itinerarios integrales d'activación nel ámbitu local del conceyu de Grau tien como destinu la contratación temporal de personas desempleadas consideradas en situación ou en riesgu d'esclusión social, col oxetu final de facilitar la sou inserción nel mercáu llaboral.
Las contrataciones feichas son oxetu de cofinanciación pol Serviciu Públicu d'Empléu del Principáu d'Asturias (20%) ya'l Fondu Social Européu (80%) pal periodu 2014- 2020 nel marcu del Programa Operativu del Principáu d'Asturias 2014-2020 (2014ES05SFOP004)".

Ocupaciones	Plazas	Períodu de Contratación	Presupuestu
Operarios d'obras mayores de 45 años	2 plazas	12 de marzu de 2018 a 11 de marzu de 2019	112.720,00 euros
Operarios d'obras Beneficiarios del Salariu Social	2 plazas
Albañil	1 plaza
Animador-dinamizador Biblioteca	1 plaza
Conserxe mayor de 45 años	1 plaza
Auxiliar Administrativu mayor de 45 años	1 plaza

PROGRAMA DE CONTRATACIONES DE TRABAYU EN PRÁCTICAS DEL CONCEYU DE GRAU (convocatoria 2017)

El programa de Contratos de Trabayu en Prácticas tien como finalidá la de proporcionar esperiencia llaboral a personas mozas tituladas, al traviés de la realización, nel Conceyu de Grau, d'un contrato llaboral na modalidá de prácticas, de 12 meses de duración, ya incorporando la perspectiva tresversal d'igualdá de xéneru.
Las contrataciones de los Contratos de Trabayu en Prácticas tán cofinanciadas pol Serviciu Públicu d'Empléu del Principáu d'Asturias ya pola Iniciativa d'Empléu Xuvenil ya'l Fondu Social Européu pal periodu 2014-2020 nel marcu del Programa Operativu d'Empléu Xuvenil 2014-2020 (CCI 2014ES05M9OP001), nun 91,89% pol Fondu Social Européu ya la Iniciativa d'Empléu Xuvenil en casu de certificación nel ámbitu del Exe 5, ou nun 80% pol Fondu Social Européu nel casu de certificación nel ámbitu del Exe 1, del Programa Operativu d'Empléu Xuvenil 2014-2020."

Ocupaciones	Plazas	Períodu de Contratación	Presupuestu
TÉCNICU ALMINISTRATIVU	1 PLAZA	12 de marzu de 2018 a 11 de marzu de 2019	40.260,00 euros
ELECTRICISTA	1 PLAZA
ANIMADOR SOCIO-CULTURAL	1 PLAZA